مقولات فيسبوكية ١٣-٢٠ سبتمبر ٢٠١٩

“١٥ سبتمبر: جوائز للأبطال” لأحمد عوني رواية لطيفة جدا وتستاهل القراءة بصفحاتها ال ٤٠٠ عشان اللي بيطجنوا ويسخفوا ويهرتلوا على ثورة ٢٥ يناير يعرفوا فكرت وحست واتغيرت مع الحدث الهائل ده ازاي، دون تأليه ولا تسفيه.








١٤ سبتمبر: طرمب زيّه زي رؤساء امريكان كتير من قبله لمّا يفكروا ف رؤساء العالم التالت. ف لمّا طرمب يزهق من انتظار الرئيس الجنرال منقذ بلاده في باريس من اسبوعين فيقول للي حواليه بصوت عالي “فين ديكتاتوري المفضل؟” نفتكر علطول رؤساء زي ترومان وروزفلت ونيكسون كانوا بيتكلموا على ديكتاتور ورئيس نيكاراجوا سوموزا أو امثاله: “هو أبن حرام بس برضه ابننا.”

١٦ سبتمبر: سجين على ذمة قضية فساد نافس بقوة على منصب الرئاسة في تونس أمس بينما متهم مهدد بالسجن بسبب قضايا فساد يستعد للفوز في انتخابات اسرائيل التشريعية غدا … وفي مصر .. في مصر، مش ح نقول عشان أهل الشر

١٨ سبتمبر: نجا حزب العمل – مؤسس دولة اسرائيل – من النزول لدوري الدرجة التانية والخروج تماما من الكنيست وسيدخل ربما بست مقاعد — بينما القائمة العربية (ابناء واحفاد عرب ١٩٤٨ الذين هرستهم دولة اسرائيل) ح تاخد اكتر من ١٢ مقعد .. في نفس الكنيست
#انتخابات_اسرائيل

١٩ سبتمبر: انا لسة ف نص “حكايات يوسف تادرس” ومش عايزها تخلص. كتاب اجباري لكل من وُلد او نشأ في مدن مصر خارج العاصمة القاهرة وخصوصا مدن الدلتا. كتاب أعادني بلطف وعمق وتدبر – وزعل وفرح – لسبعينيات وثمانينيات المنصورة والمحلة وطنطا وكفر الزيات والزقازيق. محلاها كتابة من عادل عصمت. ونتكلم تاني لما اجبر نفسي اخلصها.

وممكن تروح هنا وتقرأ الصفحة كلها

نُشرت بواسطة

خالد منصور

كاتب، صحفي، مصري، بتاع حقوق انسان، وموظف اممي سابق، ومستشار في الاعلام والتجهيل والحفر والتنزيل

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *